店主實在太太太太忙，但忙裡偷閒都打篇短文先～因為實在好多人都問好唔好去做敏感測試～
我個人認為無需要去做敏感測試，因為未必係最準確，但價錢唔便宜。😅
有客人指出，測試驗出對蝦敏感，但佢一直食都無問題。
而且9成9驗出嘅致敏源都係塵蟎，咁正常敏感性皮膚對塵蟎敏感都係再也正常不過嘅事⋯⋯咁洗咩俾錢去check？最重要佢會不停sell 你買一個好貴嘅空氣淨化機、同去塵蟎機。🙈
好多時驗出都係好一般嘅結果，如對護膚品嘅防腐劑敏感⋯⋯
本人認為唔洗去check 嘅原因如下：
1. 致敏的原因有好多：致敏源、天氣、壓力、心情、緊張、飲食不均、污染
致敏源唔係單一嘅原因🤫
2. 價錢不菲，聽過貴嘅要8000-10000一次
（＊如果便宜可以自己考慮，一試無妨）😕
3. 自己體驗比測試更準確，例如你每次飲完奶都會肚痾，你自己都會知道奶可能令你腸胃敏感，可能有乳醣不耐症，呢d 唔需要去check 都會知。
好似自己食左蝦、牛，好快會出粒粒，我就知自己唔可以食，咁樣係一個真實嘅experiment，更精準。👌
4. 佢試驗皮膚嘅位置同面部、身體某部份未必一樣。
呢個係個人經驗，用最簡單嘅例子，大家都聽過兩塊面乾T字位油嘅混合性皮膚，即係皮膚其實每一處都唔同，厚薄又唔同，單係塊面，左邊面同右邊面，額頭都下巴都唔同。
＊當然，都係例外，當涉及到呼吸困難、全身性敏感，如食左蝦會抖唔到氣，食左堅果抖唔到氣個D當然check一check 比較安全。💪🏻
