店主真情剖白：遇到好醫生同撞鬼一樣，都係講緣份
今日我要同大家講下我嘅經歷，真係好有啓發性，悲喜交雜。
話說其實每次皮膚差都係有原因，而呢D原因您可能唔想去承認，但事實每次皮膚問題自己真係要負上一部份責任。
話說今年對我黎講，都係壓力大嘅一年，加上今年天氣特別熱特別焗特別污染，再加上醫生開嘅藥膏係我打完激光後用好紅腫，再加去澳洲曬左一曬（因為個D地區好凍，又好難擔遮，會好怪），再加上前日曬多左一曬，我今日又起哂一粒粒好痕！
係我好絕望嘅一刻，諗諗下，唔係喎，身邊咁多人支持我，同時我都影響梗大家，好積極去搵醫生。而令我又再絕望，原來係香港要睇皮膚科醫生，係幾咁艱！難！
出名醫生包括李醫生、葉醫生、陳醫生、許醫生、黃醫生、曾醫生⋯⋯ 好多網上搵到出名嘅醫生全部都full booking。即係如果要救命，真係只可以自救⋯⋯
不過錯有錯著，轉輾係荃灣搵左個幾好嘅醫生，我未食藥，但我成日覺得所有服務都係一個過程，先勿論D藥有無效，但至少俾我地病人一個舒服嘅體驗，所以係我絕望嘅時候，我見到少少曙光。
自己都係做賣產品，好明白顧客體驗係好重要，所以今次睇呢個醫生有驚喜。係西醫黎講，好多時開嘅藥都有部份差唔多，但好多大牌西醫等2小時係好閒，等了又等，而且唔明白D姑娘點解可以咁串，態度咁差。
而今次嘅醫生唔洗等，因為唔算好出名，姑娘都好nice～醫生好友善，都願意聽我講野，雖然佢話「可能你有少少玫瑰痤瘡返發，我有少少唔開心」但起碼佢都會安慰我，你戒好口，唔好再曬，定時食藥，一星期會有好轉，放心放心。我話邊D藥唔岩，佢都肯聽我講，話咁我開其他藥，唔洗太擔心，整個過程都好舒服，而且收費都算合理。初頭，佢開個隻抗生素（不是四環素），我其他醫生都有開（證明好多時，其實有無名嘅醫生開嘅藥有部份都一樣），佢都即刻轉第二隻俾我。
最重要嘅係，我學多左樣野，有玫瑰痤瘡嘅人就會明，玫瑰痤瘡好多時發都係會出好多小紅粒、暗粒，未必有膿頭。醫生話係血管擴張時有好多小洞易積存污糟野，所有一發炎就會有好多小紅粒，玫瑰痤瘡最大問題就係血管擴張，導致好多炎症，所以任何有機會令血管增生都係唔應該，飲酒、曬太陽、緊張、浸溫泉等等⋯⋯
當然，我好希望D藥都幫到我，但係至少我成個感覺好舒服，我地睇病，心裡一定唔開心，醫生又好／店主又好，一定要體諒左病人／客人感受先，呢D係品德，因為有D醫生好惡，又唔理人感受⋯⋯我都見唔少⋯⋯
鼓起勇氣同大家分享，其實呢D情況可以2-3日就出哂，都係玫瑰痤瘡可怕之處⋯⋯
同一日，我睇埋中醫，同樣都有一個好好嘅體驗，其實遇到好醫生，可以好暢快咁訴苦，有種如釋重負嘅感覺，呢位中醫師算後生，好夾傾，而且好多日常生活嘅野都有教到我，有問有答，好有耐性，準備好食咩嘅紙，戒口嘅紙，用哂藥材都逐樣同你解釋⋯⋯
作為病人，真係好有信心，雖然未食藥，但起碼有個人明白我，話我虛，虛又易受濕，一切都係身體弱抵抗力差，引起好多問題，心、血、氣弱⋯⋯
令我好明白健康係好重要，運動係好重要，睇幾多醫生都係假，健康先係最治本嘅方法。
同時，針埋灸，醫生都好細心，唔會好痛。
食藥後一星期，再同大家分享！
本店皇牌：CSS Olive Serum 30ml $550 集退紅、補濕、穩定修復於一身
#精華 #消炎 #補濕 #中醫 #hk #hkig #轉季 #玫瑰痤瘡 #玫友 #暗瘡 #敏感 #serum #濕疹 #泛紅 #Rosiebeauty #透明質酸 #CS12 #cosmeticskinsolution #oliveserum #CSS #寶寶 #暗瘡肌 #敏感肌 #rosacea #面紅 #益生菌 #copper #B3 #B5