暗瘡？玫瑰痤瘡？暗粒？敏感？點分啊！
其實呢個問題有好多客人問我，所以我決定開個POST同大家分享下！
店主好有心機一字一句都係用心自己打出黎，希望幫到大家！
都係個句，我唔係醫生，作為十年玫瑰痤瘡、濕疹患者，用我咁多年個人經驗去同大家分享，可以當係一個參考！
其實最重要係你自己要好好觀察，因為無任何一個人比您更了解自己嘅皮膚～當你好好觀察，廿幾三十年陪伴住你自己皮膚，你就要學識分別唔同嘅粒粒～
1. 暗瘡
呢個最簡單，不外乎痛、大粒、含膿～暗瘡中最麻煩係石頭瘡，佢又大粒，又痛，可能一個月先會有膿頭，呢個係最最最黑人憎嘅暗瘡～ 而且你發現點解暗瘡好多時生係同一個位，因為你地多手去擠佢地個陣，其實佢已經發左炎，炎症去到附近地方，即佢其實未好哂，所以好易同一個位再生！而暗瘡留下嘅印根據醫生所講，如果唔擠佢自己好大約要4個月新陳代謝，擠佢要8個月先會消淡！所以除非好礙眼，一般情況都唔建議擠！
咁咩情況下可以擠暗瘡？
呢個係好重要！當佢仲係好痛好腫時唔應該擠，一擠好易損同埋結焦，或者佢繼續發炎，無止境！
當佢有膿頭時，用3M暗瘡貼貼住，咁佢D膿會谷哂出黎，同時粒瘡瘡會有少少收乾水嘅感覺，有可能洗面時已經穿左，咁先輕輕推一推D膿出黎，咁樣係比較安全，通常唔會咁易再腫同結焦。印都唔會咁大範圍～
腮邊生好多大粒暗瘡通常係壓力瘡。下巴大暗瘡通常係內分泌失調。暗瘡同煎炸食物我覺得有較大關係，好似食左M記好易出暗瘡～
而點解要識分暗瘡同玫瑰痤瘡，因為暗瘡肌可能係油性皮膚，或其他原因導致好多暗瘡，但唔代表會容易敏感，唔易敏感嘅好處即products上你可以有更多選擇～
暗瘡肌主要針對控油、消炎、清潔～
CSS Copper 30ml $435 目前最高濃度的copper product，好多客人表示用完，暗瘡好快會謝！
2. 玫瑰痤瘡
玫瑰痤瘡同暗瘡有好大分別，因為處理方法唔同，原因都未必一樣～ 玫痤痤瘡最大原因係因為血管擴張、收縮失衡，好多無用嘅血管增生導致不同嘅炎症。
-
只會面紅，無粒粒，但有機會痕＋敏感
-
又會面紅，又會出粒粒＋敏感
-
又會面紅，又會出粒粒，又會出暗瘡＋敏感
店主最憎就係出粒粒，因為遮都遮唔到，但面紅時又會紅到關公，俾人關心問候，又想搵㝫捐。
玫瑰痤瘡有70%由壓力引起唔同徵狀，情緒差又發、喊又發、用錯野又發、做錯facial 又發、工作壓力大又發、天氣轉又發⋯⋯下刪一千字
最慘係唔！會！斷！尾！
但都唔好太擔心，起碼可以穩定～
玫瑰痤瘡出嘅粒粒大多數係小紅粒，即明明上星期皮膚仲好好，可以一兩日出到成面小紅粒，多數唔係大暗瘡（去到大暗瘡，即玫瑰痤瘡都嚴重！）小紅粒有可能會痕，都有機會伴有小白頭，呢D粒粒記住唔好擠！一擠就變暗瘡！
玫瑰痤瘡粒粒都係快黎但唔快走，如果唔食藥，出左比較難好，但食左藥都會快退，好彩嘅係好少留疤痕，除非你自己多手擠佢！
但另一個唔好處，有D消左係會變千年暗粒，即D暗粒死都唔走個D！所以玫瑰痤瘡一個字：煩！
同暗瘡肌唔同，其實我觀察同經驗所得，玫瑰痤瘡都偏向乾性皮膚，你話「店主唔係喎？我成日出油！」其實有位中醫師都提到玫瑰痤瘡發時係會出好多油，我自己都係，但stable 後係好乾爽。所以唔好一味覺得自己油好笠啊，就係油性皮膚～
玫瑰痤瘡其實最需要管理好自己情緒，護膚品方面需要修復、補濕、極低敏為主，穩定好皮膚自然無咁多紅同出小紅粒～
店主最愛CSS Olive 30ml $550 60ml $820
針對玫瑰痤瘡、濕疹
鎮店之mask 紫草修復退紅gel mask 30g $298 50g $448
另外，玫瑰痤瘡未必同煎炸野咁有關係，咁當然食咁多都唔好啦，對濕熱食物、奶類食物反而就好有影響，唔小心食左蝦、牛就係咁出小紅粒～飲得多凍野都係唔好！
不過如果一班人食飯，突然關公，可以考慮飲可樂，因為CO2有助散熱，解決即熱難題！
對付玫瑰痤瘡，最佳嘅保護真係心情放鬆⋯⋯雖然好行，但真係so damn true啊！
3. 暗粒
上文講到玫瑰痤瘡小紅粒消左後會變暗粒，咁又講下暗粒先！其實暗粒係好麻煩，又叫封閉式粉刺，我試過做錯一次矽針生到成面暗粒，用左一年時間先好返⋯⋯
暗粒你格硬擠佢又易變暗瘡，但如果你唔擠佢又好耐都唔走，因為佢好衰，每日洗面推得少少出黎，但佢會向下發展，一直塞一直塞，所以擠出黎會有條毛蟲咁～
暗粒可能係玫瑰痤瘡引起，或者用得太潤嘅野，或者用錯化妝品都會～
至於對付暗粒比起暗瘡仲煩，維他命B3 有5%左右都會有效消除暗粒，但唔單止用一支，仲要配合深層清潔clay mask，或者買部洗面機配合就更好～
關於擠暗粒都係一大學問，其實浮浮地嘅暗粒一擠，好易變暗瘡；到暗粒乾左水、硬硬地，輕輕一推個D先可以自己清到，否則都係搵手勢好嘅美容師幫手，記住係手勢好！即唔會痛，唔會損，唔會太紅腫！否則，更多炎症引起！
Best Seller Rosie B3+B5 Oat Serum 30ml $368@1 $498@2
#精華 #消炎 #補濕 #中醫 #hk #hkig #轉季 #玫瑰痤瘡 #玫友 #暗瘡 #敏感 #serum #濕疹 #泛紅 #Rosiebeauty #透明質酸 #CS12 #cosmeticskinsolution #oliveserum #CSS #寶寶 #暗瘡肌 #敏感肌 #rosacea #面紅 #益生菌 #copper #B3 #B5