－水油平衡－
哎啊！皮膚好乾！補極都唔夠嘅！？
下！用油？好笠唔得架喎！一笠就生粒粒！
今次同大家講下水油平衡嘅概念，因為皮膚係有水份都有油脂，兩樣平衡係最理想，為之中性皮膚，又唔乾又唔油，但天有不測之風雲，空氣又嚴重污染，世事又邊有咁理想呢！
店主唔係教你追求水油平衡，追求理想中性肌，而係話你知要有水油平衡嘅概念。
因為好多人一聽到油就會聯想到笠，包括我自己！但缺水或缺油都係缺一不可，都會帶來好多皮膚問題～水當然係補濕，油就係鎖水滋潤！
情況1: 補極水都好乾，好快吸哂又崩緊！
塊面好似沙漠咁乾，搽咩都唔夠？係咁補水，幾十支精華，又係咁敷MASK都咁乾？咁你呢個情況好可能係缺油，其實油都唔得人驚，因為油都分好多，有好多天然油都係清爽～而且lotion 同cream 都已經有油份～
因為無足夠油份鎖水，係咁補嘅水好快蒸發哂，所以咪補極都唔夠囉！
真實客人case：
有個客醫生建議佢搽油，話佢水油唔平衡，佢本身塊面好多油，以為自己油性，點知搽左油仲stable d，反而出油仲少左！
情況2: 出油出到痴左線
相信好多人都會出現呢個情況，但大家要小心去留意，因為自己觀察係最好～出油有好多原因，油多過水，即缺水就會瘋狂出油，又或者本身油性肌膚，呢個情況係要自己留意先知自己係邊種。
如補完水就出少左油，即缺水型；如補完水仲出多左油，咁你應該要揀控油products，唔好搽咁多野啦～
情況3: 玫瑰痤瘡病發時都會出好多油（但唔代表乾／都唔代表油）
呢個係個人經驗，如果我皮膚正常穩定係偏乾，唔會特別油。而病發時，就會大量出油，所以呢個時候應該要消炎、復復、穩定返皮膚，而唔係控油！
錯嘅方法只會令你愈來愈差！
#精華 #消炎 #補濕 #中醫 #hk #hkig #轉季 #玫瑰痤瘡 #玫友 #暗瘡 #敏感 #serum #濕疹 #泛紅 #Rosiebeauty #透明質酸 #CS12 #cosmeticskinsolution #oliveserum #CSS #寶寶 #暗瘡肌 #敏感肌 #rosacea #面紅 #益生菌 #copper #B3 #B5