店主心靈雞湯：玫瑰痤瘡、濕疹只係想我地過健康人生
今日忽發奇想，其實我地不如正面D，玫瑰痤瘡、濕疹呢D皮膚病某程度上係令我地過健康人生，諗諗下其實都幾岩～等我慢慢解釋你知，希望你都花少少時間睇，睇完都應該有共鳴，再諗一諗，個心都會舒服D架～
今日唔放灰，放下D心靈雞湯，發放下正能量先！因為有好多皮膚問題，好多患者都會用好多方法令自己健康，增強免疫力，去抵抗皮膚病。
1) 睡眠時間
玫瑰之友、濕疹之友都好重視自己睡眠時間，特別發梗嘅時間會更加早D訓，休息真係為左走更遠嘅路，充足嘅睡眠無論對皮膚、身體健康都係百利而無一害！
2) 飲食習慣
呢個更加厲害，10個有10個玫瑰痤瘡、濕疹嘅患者緊守戒口嘅真理（當然，有時都引唔住誘惑哈哈）因為食錯野真係不得了⋯⋯真係一子錯，滿盤皆落索。大家都好乖乖食戒甜，太多糖份都係對身體唔好；多菜少肉，都唔會食好多肉類，比較偏重食營養豐富嘅食物，even會著重有機食物（咩都要有機）、超級食物。
好多人都會避開好多加工食物、發酵食物等等，加工食物有好多色素、糖精、防腐劑、除霉劑、漂白劑、人工香料，以為反式脂肪（即身體分解或吸收唔到，長期積存會造成負擔）
避開加工食物其實係好有利身體健康。
3) 運動
大家自小都被灌輸做運動對身體好，只係香港人太忙，無時間做運動。但當D病keep 住發，又keep 住食藥令身體好虧嘅時候，都有想做運動嘅衝動，當然做咩運動係要小心選擇，大熱天時去室外跑步當然唔適合，但做瑜珈伸展、室內體育館打下羽毛球，放鬆下，出少少汗排毒，促進血液循環都係好，但當然視乎自己皮膚狀態啦，唔係話發到豬頭仲去做運動。
4) 中醫
（講明先，大前題當然係要互相夾到）
香港人對調理概念唔算好多，只會有病先會調理，皮膚病、黎M唔準、失眠等等，因為有玫瑰痤瘡、濕疹，好多人都想向養生方向去處理，當食西藥食到你都覺得唔對路時，就會乖乖試下食苦藥睇中醫，中醫以調理整個身體為基礎，如果夾到真係治標又治本。
如果無皮膚問題，我估自己應該好放肆，唔會早訓，夜夜笙歌，周圍亂咁食野，因為好為食XDDD
其實有呢D病一定唔會開心，但正面D諗，真係令我地有個健康生活。
防敏爽身粉液 15ml $108
#精華 #消炎 #補濕 #中醫 #hk #hkig #轉季 #玫瑰痤瘡 #玫友 #暗瘡 #敏感 #serum #濕疹 #泛紅 #Rosiebeauty #透明質酸 #CS12 #cosmeticskinsolution #oliveserum #CSS #寶寶 #暗瘡肌 #敏感肌 #rosacea #面紅 #天然 #copper #B3 #B5 #養生
＊Featured picture from Canva template