Sleeping Beauty 優質嘅睡眠係最佳護膚品！
其實訓教都係一種學問，因為有分訓得好唔好，有無失眠，而正正影響住我地嘅皮膚質素！
成日失眠訓得差，再好嘅護膚品，再好嘅飲食習慣，都係補唔返，因為訓唔好簡直係死症！
首先係睡眠時間，其實係中醫角度有幾個說法，第一係「美容教」即係晚上10點鐘就訓教（我諗大家都反哂白眼，因為忙碌都市人9成9做唔到哈哈XDD），但10點舒服安睡，真係令皮膚光澤靚靚，好過去做facial ！
第二係「睡眠養生法」晚上11－1係肝臟排毒嘅時間，1點係肝臟收工嘅間，相信係好多人都聽過，好多中醫都話經書有記載。
故勿論以上說法係咪完全正確，我都覺得好有參考價值，因為11點訓同1點訓，皮膚狀態的確好大分別，特別年紀慢慢大，呢個分別更加明顯，所以我好同意「訓個靚教係最佳保護」呢個概念。
店主，鬼唔知啊媽係女人咩？其實好多人都知早訓係好，但好難做到，放工又OT，放假又去玩，咁就落去更重要嘅概念 －－>「訓得好唔好？」
呢個比起早訓更值得去討論，好多客人同我講，夠鐘要訓教啦，就好似灰姑娘12點要走佬，否則魔法就會消失，而往往逼自己早訓就成為一個壓力，令自己係訓左係床，但又出現訓唔著嘅情況。
訓得好唔好係好重要，因為訓得唔好，個日皮膚會乾、會痕、會出敏感粒粒、個妝甩哂粉、even 會面紅，成個人好殘好累，明明早兩日狀態都好好，又白又滑⋯⋯只需一日，就會將你過往嘅努力付諸流水，一D都無誇張，你搽少一樣護膚品影響都無咁大，你訓少一日好教，就好似天堂落去地獄咁，只要你訓左幾教好，又係一條好漢～
咁店主，究竟點先可以訓教好呢？
1) 唔好玩電話，呢樣係真，一來藍光問題，二來好多訊息入腦休息唔到，三來有個癮好想繼續睇。
2) 訓前拉筋，播relaxing music，順便meditation 5分鐘，我試左一星期，都幾work。
3) 睇中醫，有D中醫飲完真係好累好眼訓。
4) 深呼吸。
5) 多吸收維他命B6可以改善睡眠質素。
6) 定期減壓活動如massage、spa等。
7) 唔好逼自己一定要早訓，愈逼愈有壓力愈訓唔著。
8) 香薰治療
9) 浸腳，夏天浸仲可以去埋身體濕氣
雖然我講就易，我自己都訓得好差，好多人有玫瑰痤瘡、濕疹都訓得好差，因為會痕醒，又有好大心理壓力，一靜好易會諗起，咁樣形成惡性循環，皮膚差>訓唔好>皮膚更差>訓得更唔好，我試過心理壓力大到半夜起身要去照鏡，又係咁諗住，完全訓唔到，但睡眠真係影響好大，做唔到都要做！
Good Sleep. The Best Skincare Ever!
#精華 #消炎 #補濕 #中醫 #hk #hkig #轉季 #玫瑰痤瘡 #玫友 #暗瘡 #敏感 #serum #濕疹 #泛紅 #Rosiebeauty #透明質酸 #CS12 #cosmeticskinsolution #oliveserum #CSS #寶寶 #暗瘡肌 #敏感肌 #rosacea #面紅 #天然 #copper #B3 #B5 #養生