（圖文不符，不過SPA相真係好靚，望落即刻舒服D RELAX左，對病情好有幫助哈哈，又可以整靚我個FACEBOOK PAGE）
相信「點解嘅」一定係終極問題，因為連醫生都答唔到⋯⋯
有人係遺傳，全家皮膚都有呢個問題；有人係打完CO2碳激有；有人係壓力大無啦啦發作。
我都好想拆解點解會有，但其實係無意思，我地應該追蹤敏感嘅源頭，正正我店名嘅concept，點解會發作？點解會敏感？消滅呢D致敏源，發作次數、嚴重程度都會大大減低。
香港人生活壓力大，空氣愈黎愈污糟，我以前都冇鼻敏感同濕疹，宜家又有玫瑰痤瘡（因唔會完全好返）、少少鼻敏感同濕疹（塊面乾時、壓力大時都會有）
不過久病成醫（讚下自己）經驗累積，知道點樣幫到自己，已經好返8成，搽BB CREAM 就可以出街了，都唔洗再食咁多藥。
想知我點樣戰勝玫瑰痤瘡？想知就要痴實「玫瑰・源」啦！
