千奇千奇千奇唔好曬！
千奇千奇千奇唔好曬！
千奇千奇千奇唔好曬！
重要嘅事要講三次！
（雖然圖入面個女仔好開心咁⋯⋯） 曬太陽呢家野呢，就係咁嘅，我有三次接近好返，都因為曬太陽而出左事。
我知，有太陽影相靚好多。我知，歐洲人無人擔遮。我知，人地出海玩船P喎。
人生係咁，充滿好多爭扎。有D人唔明白我地點解擔遮，以為我地港女，驚有雀斑，其實佢地冇諗過我地發作時係幾咁恐怖，好似唔會醒嘅惡夢！
有一次我去拜山，太陽好大，咁要尊重仙人，冇擔遮，暴曬完，就⋯⋯診所見！
有一次我去紐西蘭，你知個邊ozone穿左個lone，D人鍾意同陽光玩遊戲，我又冇擔遮，帶住一頂小小帽子，返到香港，診所見！
有一次我去歐洲，去少女峰玩雪好開心，大大嘅太陽，咁你係雪山真係無可能擔遮，加上反射率高，返到黎香港，又要診所見⋯⋯ 其實有時真係好無奈，但真係最好唔好曬，有太陽要擔遮，曬幾高防曬都敵不過，要好好保護自己。 不過有時人一世物一世，唔通上雪山擔遮咩，人地都O哂咀啦哈哈。
－－－－－－－－－－－－－－－－－－－－－－－－－－－－－－－
店主建議：
1. 如果唔可以擔遮，就搽超高防曬，帶帽、太陽眼鏡⋯⋯總之要full gear 啦
2. 係亞洲地區，好多人擔遮，完全無歧視呵呵
3. 冬天去曬更加要避免，又乾又曬，即刻玩完架啦
