玫瑰痤瘡又好、濕疹又好、敏感又好，十個有十個都會問幾時好返？
見到人地皮膚好，又諗「究竟幾時好返？」
塔車放空無聊時「幾時好返？」
訓教又諗「幾時先好返？」
我諗一日大約會諗一千萬次呢個問題⋯⋯我諗大家都好有共嗚。 每次病發，我都唔會照鏡，係唔敢照鏡，一照，即係頹廢⋯⋯
試過全面生水泡，試過入急症打針，試過食好多中、西藥、試過一個月唔出街⋯⋯帶口罩梗係日常生活一部份，就會諗「點解人地可以食海鮮？打邊爐？夜訓？都可以皮膚咁靚，我就⋯⋯」 有時諗到咁，係會喊出黎，咪住！其實玫瑰痤瘡嘅人係唔可以喊，一喊，咪就發作囉⋯⋯ 好多人都會經歷過最黑暗嘅時刻，聽到唔少人慰問：「你塊面做咩？」
程度差唔多同叫D想自殺嘅人唔好自殺一樣，都係唔知點答你好。 因為「幾時先好返」，出街唔敢望人，食飯又諗，訓教又諗，成個人好崩緊，你懂的⋯⋯
－－－－－－－－－－－－－－－－－－－－－－－－－－－－－
店主建議：
1. 雖然好廢，但都係要講句「唔好諗！」玫瑰痤瘡病發有70%嘅原因係源自壓力，因為發作>唔開心>惡化>繼續唔開心，惡性循環 2. 食藥對身體唔好？ 呢個概念有時要調正下，小事嘅時候最好睇醫生食幾日藥，我好多次病發都由小事唔理開始，小小幾點突然一日全面都係，所以唔好小事怕食藥唔理。 3. 放鬆心情，唔好照鏡。放鬆好重要，好推介YOGA，拉筋，放鬆身心嘅運動，我做完都好有幫助。 4. 做啱自己嘅護膚品，唔少身邊嘅玫都提到食藥可以治標，但用啱護膚品會比較穩定D。
